ما رأيكم في زواج الأقارب سواء للبنت او للرجل؟؟؟

السلام عليكم جميعااا

كيف الحال وكيف المزاج اليوم ^_^ اتمني الكل بخير وعال العال

في سؤال ببالي وحبيت أسأله واعرف أرائكم في هذا السؤال

ما رأيكم في زواج الأقارب سواء للبنت او للرجل؟؟؟
وصح مثل ما اسمع من الاهل انو القريب عمره ما يفرط بقريبته او صعب انو يتركها او يطلقها ؟؟
والبنت كذلك لو تزوجت قريبها بتكون له الصدر الحنون وتحن له لان قريبها ؟؟؟

أتمني أسمع آراء الجميع حول هذا الموضوع *_*

تحياتي لكم ,,, جريح سيهات^_*

انا بصراحه ضد زواج الاقارب اكثر من اني اكون معه

لان اغلب زواج الأقارب ماتنتج منه الا المشاكل

سواء من جهة الزوج او الزوجه

يعني يتدخل الام في حياتهم , ويفلان ليش مرتك ماحملت ويافلانه ليش بنتج ماحملت

وتعالي يالأم دوري لولدج وحده وزوجيه وهذيك الساعه لحقي في المشاكل اذا قدرتي وراح تظل

النزاعات مده طوييييله مره اكثر من المعتاد ليش؟ لأنهم بكل بساطه اهل......

ويفلانه ترى بنتج مو مريحه ولدي,,ويفلانه كلمي ولدج وخليه يعطي بنتي اهتمام شوي مثل مايعطي اصحابه

ويعطيكم..و..و....و....الخ وماراح نخلـــــــــص

احنا لانطالع الحين

نطالع بعدين

مانقول انا وفلان نحب بعض معناتها ان راح نعيش مرتاحين ومافي مشاكل..

احنا نطالع المستقبل قبل الحاضر..

كلامي اذا قلته كله ماراح يخلص..

وآسفه عالإطاله

بس هذا رايي

يسلموووو خيوو على الموضوع الاكثر من رائع

تحياااتي

وانا اتفق معاش على هذا الرأي

ويسلمووووووو على المرووووور

رأيي في زواج الأقارب موافق وغير موافق في نفس الوقت
من المتعارف عليه زواج الاقارب وماينتج عنه من امراض وراثيه
والمشاكل بين العائلة والأقارب .
رأيي ان يتزوج الشباب من خارج العائلة فهو أفضل وشكراً.
بس الآن أؤيد زواج الاقارب أيضا لما فيه قبل الزواج من تحاليل وهذا شئ ايجابي لكي يبعد الاطفال عن اامراض الوراثيه ولاننسى المشاكل تأتي سواء من الاقارب او من خارج العائله.
يسلموا على الموضوع الجميل.

زائر

رأيي مااؤيد زواج الاقارب لما فيه من امراض وراثيه حتى مع التحليل قبل الزواج تطلع امراض ماتدري من وين تجي من سابع جد ومشاكل بين الاهل

يعني تصير مشكله بين الزوجين تتحول الى مشكله كبيره بين العيلتين

وتعال حلها الحين تطلع مشاكل من سنين وسوالف مالها اول من ثاني

ماابي اطول عليكم

يسلموو على الموضووع المميز

وانا اتفق معاش على هذا الرأي

ويسلمووووووو على المرووووور

نورتو الصفحه بتواجدكم

ادام الله وجودكم بينا حبايبكم

تحياتي